Ho ritrovato questa Poesia di Papà che nel lontano 1973 denunciava con la sua speciale poetica in carottese il cattivo funzionamento della Circumvesuviana.
Aspettano assettate mmieze 'e stelle,
'ncoppo 'o cenieche 'e mille nuvulelle,
a scavaze, cu 'na cammicia longa,
giuvane, viecchie e criature,
tutti leggiere, ch 'e facce cuntente,
cierte ch e'scelletelle e cierte senza,
cierte cu 'o cerchielle attuorno a capa,
culore d'oro, cu 'e capille bbianche,
e femmene cu 'ddoie bracce poderose,
cu cierte cosce afora, spensierate,
guardanne curiosi ncoppa 'a terra
e aspettano chi esce e saglie in cielo
per dumandà si 'a vita è stata bbella,
come si fosse stata 'nu spettacolo,
'na partita d'o Napule ch'a Roma,
'a gente esce a muntune: dicci comm'era.
Qualcuno ca nun corre tant 'e lesta
responne cu 'na faccia disgustata:
Nun ghieva a pena. E' stata 'na schifezza,
'na puchiarella! Nun ghieva nu' sordo!
'na puchiatella porpete preciso!
C'imme salvate solo l'animella
e ghiamme 'annure 'nnanze 'a Provvidenza.
Curagge - rice San Pietro - 'a stumento
trasite into 'o ristore Eternità:
cca nun ce stanno mbruoglie e delinguneti:
pe' ne vedè quaccuno 'nta stagione
scinnemme co' pulmanne int' o fiern:
se paga 'biglietto 'a riduzione
pe' comitive e per disoccupate,
tutto per concessione 'e chillu cesso
ch'è la Vesuviana sulla Terra.
Iscriviti a:
Commenti sul post (Atom)
Nessun commento:
Posta un commento